Өткен аптаның жексенбі күні Қытайда автобус биіктігі 50 метр болатын көпірден құлап кетіп, салдарынан 13 адам көз жұмды. Автобус ішінде болған тағы екі жолаушы із-түзсіз жоғалып кеткен.
Желіде төтенше жағдайдан бұрын автобус ішінде болған оқиғаның видеосы тарап кетті. Онда жолаушы әйелдің жүргізушіні ұрғаны байқалады. Есе жібергісі келмеген жүргізуші де оған жұдырық сілтеген. Мұнан кейін қатты жылдамдықта келе жатқан автобус жолдың қарсы бағытына шығып кетіп, көпірдегі қоршауды бұзып өтеді.
Жергілікті полиция мәліметінше, қоғамдық көлік ішіндегі төбелес апатқа себеп болған.