Алматының бұрынғы әкімі мен әйелі сотталды
Алматының бұрынғы әкімі Виктор Храпунов пен оның әйелі Лейла Храпуноваға қатысты сот үкімі шықты. Бірнеше сағат бұрын Алматыда соңғы жылдарда болған ең күрделі істің бірі аяқталды.
Бұл туралы КТК арнасы хабарлайды.
Бірақ, 12 жылдан астам уақыт шетелде қашып жүрген Храпуновтар сырттай сотталды. Қазір қашқында жүрген ерлі-зайыптылар Швейцарияда тұрады. Сотта Виктор Храпунов үшін бұрын оның қол астында жұмыс істеген қызметкерлері жауап берді. Олар өз уақытында әртүрлі лауазымды атқарған және тергеушілердің айтуынша, мемлекеттік мүлікті сатуға көмектескен.
Үш айдан астам уақытқа созылған сот тыңдалымын бүкіл ел бақылады. Бүгінде соңғы жылдардағы ең шулы және ең талқыланған істің біріне нүкте қойылды.
Сот шешімі бойынша Алматының бұрынғы әкімі Виктор Храпунов 17 жылға бас бостандығынан айырылды, ал оның жұбайы Лейлә 14 жылға. Бұл іс бойынша оның күйеу баласы Айяр Ілиясовқа 5 жыл берілді. Бірақ, ерлі-зайыптылар сырттай сотталды. 12 жыл бойы шетелде қашып жүрген Храпуновтар ақыры сотқа келмеді.
«Виктор Храпунов жасаған қылмыстары үшін кінәлі деп танылып, оған мүлкін тәркілеумен бірге қылмыстық-атқару жүйесінің ең жоғарғы қауіпсіздік мекемесінде 17 жыл бас бостандығынан айыру жазасы тағайындалды. Сондай-ақ, ол ұлттық банк, қаржы мекемелері, мемлекеттік ұйымдар мен басқа да мекемелерде қызмет атқару құқығынан айрылады» -деді Алматы қаласының мамандандырылған ауданаралық қылмыстық сотының судьясы Қасым Қалмағамбетов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе