Алматылық дәрігерлер мен полицейлер жаппай ағылшын тілін үйренуде
Алматыдағы дәрігерлер мен тәртіп сақшылары 2017 жылғы Қысқы Универсиада ойындары кезінде халықаралық тілге де жетік болуы керек.
Бұл туралы КТК хабарлайды.
Әдетте ақ халатпен жүретін дәрігерлер қайтадан партаға отырған. Қазіргі уақытта 130 медицина қызметкері қаладағы 4 бірдей жоғарғы оқу орнында ағылшынша үйреніп жатыр. 1-ші желтоқсанға дейін 400 маман тілін жетілдіріп шығуы тиіс. Өзге тілді жылдам үйрену үшін олар арнайы бағдарламамен оқытылуда. Яғни, оқу барысы дене мүшелері, ауру түрлері, емдеу жолдары сынды медицинаның негізгі терминдері аясында өтіп жатыр. Ақ халаттылардан бөлек, полиция мен төтенше жағдай мамандары да шет тілін жетік меңгеруге кіріскен.
“2011 жылғы Қысқы Азия ойындарының тәжірибесін негізге алдық. Тіл үйренушілер арасында жаңадан бастап жатқандар да бар. Бірақ соған қарамастан,бекітілген мерзім ішінде қажетті мамандарды ағылшын тілінде даярлап үлгереміз деп отырмыз”, – деді 2017 жылғы Қысқы Универсиадаға дайындық дирекциясы мемлекеттік қоры директорының орынбасары Нұржан Әбілқайыр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз