Алматыда қыстың қызығына түскен шаңғышыға айыппұл салынды

Алматының қар басқан көшелерімен көлікке байланған троссты ұстап алып, шаңғымен құйғытқан жігіт жауапкершіліктен құтылды. Алайда, көлікті жүргізген адамға айыппұл салынды.

Бұл туралы қалалық ІІД баспасөз қызметінің жетекшісі Салтанат Әзірбекке сілтеме жасап, Tengrinews.kz хабарлады.

“Шаңғышыны жауапқа тартатын себеп жоқ. Ол қоғамдық тәртіпті бұзбады. Ал көлік жүргізушісі, 1991 жылы туған азаматқа, 91-баптың 1-тармағы бойынша жолаушыларды тасымалдау ережелерін бұзғаны үшін 5 АЕК түрінде, яғни 10 605 теңге айыппұл салынды. Алматы көшелерімен осылай сноубордшы да жүріп өткен болатын, алайда, оның тұлғасы әлі анықталған жоқ”, – дейді Салтанат Әзірбек.