Алматы полицейлері Универсиада билеттерін сатып жүрген алыпсатарларды ұстады.
Бұл туралы Алматы қалалық ішкі істер департаментінің баспасөз қызметі хабарлады.
Бостандық аудандық ішкі істер департаментінің қызметкерлері 4 алыпсатарды Орталық стадион маңынан ұстады. Олардан 80-ге жуық билет алынды.
«Осы уақытта полицейлер «Халық Арена» кешені маңынан қолында 42 билеті бар тағы бір ер адамды ұстады.Екі жағдайда да алыпсатарлар полиция бөлімшелеріне жеткізілген. Біз осындай келеңсіз жайттың өршімесі үшін азаматтарға билетті ресми орындардан – кассадан және он-лайн режимде сатып алуға кеңес береміз. Өйткені алыпсатарлар қолынан алынған билет жалған болып шығуы да мүмкін. Аталған фактіге қатысты ҚР әкімшілік және қылмыстық заңнамаларына сәйкес, шара қолданылатын болады», – деп мәлімдеді Алматы қалалық ішкі істер департаментінің ресми өкілі, полиция подполковнигі Салтанат Әзірбек.
– Алматы қалалық ІІД сенім телефоны – 254-40-07; 263-36-36 және 263-38-38
– Ішкі істер департаментінің ресми сайтындағы Алматы қалалық ІІД бастығы блогының сілтемесі: http://mvd.gov.kz/portal/page/portal/alm/ALM/About/Blog_R