Алматыда шалажансар күйі кілемге оралып, ағаштардың арасынан табылған 5 жасар бала ауруханада өлім аузында жатыр. Дәрігерлер қатты соққыдан бас сүйегі зақымданған бүлдіршінге операция жасағанымен, ол әлі есін жимаған. Ал, баланы қағып, ізін суытқан жүргізушіні полиция қызметкерлері іздестіріп жатыр.
Бұл туралы КТК арнасы хабарлайды.
Дінмұхаммед Рузуддинов, Алматы қаласы балалар шұғыл медициналық жәрдем орталығы бас дәрігерінің орынбасары:
-Баланың жағдайы өте нашар. Бас миы соғылғаннан кейін ісік пайда болады. Ісігі бар. Әлі аппаратта. Бірақ ем қабылдап жатыр.
https://kaz.365info.kz/shygys-khazakhstanda-zejnetkerlerdi-gipnozben-aldauga-koshken-324418
Еске салсақ, Алматыдағы шығыс айналма жолында жоғарғы жылдамдықпен жүйткіп келе жатқан белгісіз көлік жолға шығып кеткен баланы қағып кеткен еді. Артынша, жүргізуші өлім аузында жатқан бүлдіршінді кілемге орап, жол жиегіндегі ағаштардың арасына тастап кеткен. Дінмұхамедттің туыстары көлік иесінің әрекетін нағыз айуандыққа теңейді. Сондықтан кінәліні қатаң жазалау керек дейді.
“Адамдар иттерін де бұлай тастап кетпейді. Тас жүрек жүргізуші екен. Ол баланың өлгенін тілемесе, мұндай әрекетке бармас еді”, – деді баланың туысы.
Темір тұлпарды тізгіндеген адам табылса, оған тиісті жаза беру керек. Қазір полиция қызметкерлері күдіктіні іздестіріп жатыр. Олар оқиға болған жердегі бейнебақылау камерасы арқылы жүргізушінің кім екенін анықтауда.
https://kaz.365info.kz/akhmolada-stansa-bastygy-paramen-ystaldy-324423