Алматыда бір күнде екі жойқын өрт болды (видео)
Алматыда сенбі күні екі жойқын өрт болды, деп хабарлады оқиға куәгерлері Sputnik Қазақстанға.
Жетісу ауданы Федоров көшесінде жеке тұрғын үй мен жанындағы техникалық қызмет көрсету станциясы жанып кетті. Куәгерлердің сөзіне сүйенсек, өрт аумағы 220 шаршы метр болыпты.
Бастапқы деректер бойынша, гараждағы жеңіл көлік түгі қалмай жанып, жақын маңда тұрған көлікке біраз зақым келді.
Екінші төтенше жағдай Түрксіб ауданы Покрышкин көшесінде болған. Оқиға куәгерлерінің айтуынша, ер адам көлігін жөндеп жатыпты. Toyota Corolla көлігінен шыққан өрт қасындағы төрт тұрғын үйді шарпыды. Жалпы өрт аумағы 290 шаршы метр.
Бастапқы деректер бойынша, өрт салдарынан ешкім зардап шекпеді. Өрт қысқаша тұйықталуы салдарынан шыққан болуы мүмкін.
Төтенше жағдайлар жөніндегі департамент оқиғаның мән-жайын анықтайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе