Талдықорған қаласының полиция қызметкері көлігімен екі жаяу жүргіншіні қағып өлтірген.
Бұл туралы облыстық ІІД-нің баспасөз қызметі хабарлайды. Әзіргі күні тергеу жұмыстары жүргізіліп жатыр.
Алайда бұл туралы ресми ақпар сәл кешігіп жарияланды. Полицейдің адам қаққаны туралы ақпарат алдымен әлеуметтік желіде шыққан болатын. Онда қала көшелерінің бірінен өтуге тыйым салынған жерден өткен ер адам мен әйелді көлік қаққаны жөнінде жазылған еді. Көлік тізгінінде полиция қызметкері отырған.