Алматы әуежайында патрон алып ұшпақ болған әйел ұсталды, деп хабарлайды ҚазАқпарат Алматы қалалық сотының сайтына сілтеме жасап.
Сол күні, сағат 13:50 шамасында А. Астана қаласына ұшу үшін әуежайға келеді. Сағат 14:15-де әуевокзал ғимаратындағы тексеру аймағынан өту барысында рентген аппараты әйелдің сөмкесінде патрон бар екенін көрсеткен. Сарапшының қорытындысы бойынша, ол әскери патрон екені әрі атуға жарамды екені анықталды.
Сөйтіп, А. оқ-дәріні заңсыз иемденіп, сақтап және тасымалдаған. Сот отырысында сотталушы А. өз кінәсін мойындап, өкінетінін айтты. Сот үкімімен А. Қазақстан Республиксының Қылмыстық кодексінің 287-бабының 3-бөлігіне сәйкес айыпты деп танылып, 1 жыл мерзімге бас бостандығын шектеу жазасы белгіленді. Үкім заңды күшіне енді.