Алматы прокуратурасы жедел жәрдем жүргізушісін соққыға жыққан Түркия азаматының босап шығуының себебін айтты.
Бұл туралы “ҚазАқпарат” хабарлайды.
Прокуратура берген түсіндірмеге жүгінсек, тергеуші түрік азаматына бұдан ауыр жаза сұрағаны анықталды. Ол оған қатысты “Қамауда ұстау” жазасын қолдануға өтініш берген екен.
Алайда мұндай жаза бойынша айыпты бес жылдан аса уақытқа сотталуы мүмкін әрі бұл аса ауыр қылмыс жасаған күдіктілерге қолданылады екен.
Прокуратура өкілдерінің сөзінше,
Али Демирдің әрекеті қатты ауыр емес, ал мұндай жағдайда оған қолданылатын жазаның ең ауыры – 2 жылға дейін ғана бас бостандығынан айыру.
Сонымен бірге, істі қарау кезінде күдіктінің тұлғасы мен оның әлеуметтік жағдайы да зерттелді.
Ұсталған азаматтың отбасылық жағдайы, еңбек дәрежесі, әлеуметтік жағдайы мен осыған дейін жасаған құқықбұзышылық әрекеттері назарға алынады.
https://kaz.365info.kz/ali-demir-khazakhstanda-tajrandap-zhyrgen-algi-tyrik-kim-332593
Күдікті Түркия азаматы болып шыққанына қарамастан, оның тіркелу құжаттарында кінәрат жоқ. Құқыққорғау органдарында оның бұған дейін жасаған қылмыстары тіркелмеген. Демир Қазақстан азаматшасына үйленген және олардың ортақ қызы бар.
Осылайша, Алматы прокуратурасында күдіктіні бұдан ары қамауда ұстауға ешқандай себеп таппаған.
https://kaz.365info.kz/tart-kholyndy-khazakh-khyzdaryn-khyshakhtagan-tyrikterge-zhigitter-kafede-tap-berdi-video-332132