Алдағы күндері ауа райы жаңбырлы болады
Синоптиктер 2018 жылдың 20-22 қыркүйек аралығында ауа райы қандай болатынын айтты, – деп хабарлайды Tengrinews.kz “Қазгидромет” РМК өкілдеріне сілтеме жасап.
“Бірнеше күннен бергі жылы және құрғақ ауа райынан кейін республиканың солтүстік облыстарына атмосфералық фронттармен циклон жылжитын болады. Сондықтан алдағы үш тәулікте солтүстік, сондай-ақ орталық облыстардың кей жерлерінде жаңбыр жауады, 22 қыркүйекте қатты жаңбыр жаууы мүмкін”, – делінген хабарламада.
Сонымен қатар, мамандардың айтуынша, циклонмен байланысты суық фронттардың ықпалынан Қазақстанның оңтүстік және оңтүстік-шығыс облыстарында күн күркіреп, жаңбыр жаууы күтіледі.
Жаңбырмен бірге, Орал аудандарынан келетін суық ауа массасымен ауа температурасының төмендеуі болжанады, ол осы кезеңге қалыпты температурадан 2-4 градус төмен болады екен
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе