“Алаяқтар ғой”. Мөлдір Әуелбекованың атын пайдаланып ақша тауып жүргендер бар

“Алаяқтар да көп, аз емес. Соның біріне тап болған ғой, өкінішке орай. Мен ол кісіге айттым мен балалармен дуэт айтатын болсам, менің кішкентай бүлдіршіннен ақша алуға дәтім бармайды екен. Мен айтатын болсам тегін айтамын. Мен баламен дуэт айту үшін ақша алу деген, мен үшін трагедия”, – дейді Мөлдір.

Дәл осы оқиғаны естіп Әуелбекова аң-таң болғанын айтады. Тіпті өзін әбігерге салған жобадан да хабары жоқ болып шықты. Сондай-ақ, бұл жайт қалтасын қалыңдатуды ойлаған ұйымдастырушылардың құйтырқы әрекеті деп отыр. Алайда Мөлдірдің бұл пікірімен Серік Ибрагимов келіспейді.

https://kaz.365info.kz/akhymakhtykh-bayan-men-meruerttin-arasyndagy-ushygyp-bara-ma-303082

“Ақша алып жатса мүмкін ол өздерінің жұмыстарына. Өйткені жарыққа, қаншама аппарат алып жатыр, қаншама залды жалдап жатыр. Солай деп түсіну керек деп ойлаймын”, – дейді Ибрагимов.

Десек те, сақтықта қорлық жоқ! Әнші мен ата-ананың арасында бизнес жасаған делдалдардың құрығына түспеу үшін, қарапайым халық қандай қадамға бару керек?

“Өзіме жазсын тікелей, инстаграмға жазсын. Қыздың шынында да бір таланты болса, әрине мен онымен айтамын”, – дейді Зарина Омарова.

Абырой болғанда алданғандар алаяқтарға берген ақшасын дер кезінде қайтарып алған. Әуелбековаға қуанышты хабарды жеткізген жас өнерпаздың ата-анасы, әншіге өздері қоңырау шалып, алғысын айтыпты.

“Кейін рахметін айтып, «мен ақшамды қайтарып алдым, рахмет сізге» – деп, жауабын жазды”, – дейді Мөлдір.

https://kaz.365info.kz/kharsy-shyga-almajmyz-keshyou-tobynyn-khyzdary-bar-shyndykhty-ajtty-304362

Дерек көз Stan.kz.