Ақтаулық кәсіпкер қораны паналап жүрген көпбалалы отбасыға пәтер сыйлады
Аты-жөнін айтуды қаламаған ақтаулық бизнесмен қиын жағдайда қалған отбасыларға осымен екінші пәтерді сыйға тартты.
Сарай мен қора-қопсыны паналап келген көпбалалы отбасы облыс орталығынан бір бөлмелі пәтер алды, деп жазды ИнАктау.
Ерлі-зайыпты Жанар мен Асхат баспаналы болғандарына сене алар емес. Екеуі де жетім өскен, сондықтан олар өз күшіне ғана сенуге дағдыланған. Төрт баланы асырау үшін Жанар мен Асхат кез келген жұмысты істеп келген.
“Ерлі-зайыпты сарайларда, қашаларда тұрған, олар далада ауыр жұмыс істеген, мал баққан. Ол жақта ешқандай жағдай жасалмаған, мысалы, жарық, жылу деген атымен болмаған”, — деді өңірлік коммуникациялар қызметінің басшысы Айсұлу Дүтбаева.
Бұған дейін бұл кәсіпкер төрт баласының екеуі мүгедек жалғыз басты анаға ауылдан екі бөлмелі пәтер сатып әперген болатын.
Дерек көз:Sputniknews.kz.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе