Қарағанды облысының әкімі болып, ҚР Премьер-министрі кеңсесінің басшысы Ерлан Жақанұлы Қошанов тағайындалды.
Бұл туралы ҚР Президентінің баспасөз қызметі хабарлады.
Бұл қызметте ол 2014 жылы 20 маусымда Қарағанды облысының әкімі болып тағайындалған Нұрмұхамбет Әбдібековты ауыстырды.
Ерлан Қошанов 1962 жылы 14-тамызда дүниеге келген. Қарағанды политехникалық институтының Жезқазған филиалын (1984) инженер механик мамандығын тәмәмдаған, Кейінірек КСРО Сыртқы сауда академиясы жанындағы жоғары коммерциялық мектепті (1991) және Қазақ мемлекеттік басқару академиясын (1999) бітірген, мамандығы бойынша – экономист. Соңғы жылдары ҚР Көлік және коммуникация вице-министрі (2003-2006), ҚР Көлік және коммуникация министрлігінің азаматтық авиация комитетінің төрағасы (2006-2007) қызметінде болған. 2012 жылдан бастап ҚР Премьер-министрі кеңсесінің басшысы қызметінде қызмет атқарып келді.
Айта кетелік, кеше бірқатар лауазымды қызметтерде өзгеріс болады деп болжам жариялаған болатынбыз. Онда Қарағанды мен Ақмола облыстары әкімдерінің қызметінен кету ықтималдылығы болжанған еді.