Ақсуатта Абайдың алып ескерткіші бой көтерді

Биіктігі 7 метр ескерткіш авторы – Қазақстан сәулетшілер одағының мүшесі Әлібек Шоқанов.

Алып мүсінді орнатуға жергілікті кәсіпкерлер «Туған жерге тағзым» акциясы аясында 3,5 миллион теңге жұмсаған. Ескерткіштің маңайы аудандық бюджет есебінен абаттандырылған.

– Биыл тағы 2 ескерткішті жеке кәсіпкерлер есебінен салғызу ойда бар. Ескерткіштердің маңында адамдар демалатын, балалар ойнайтын алаңдар салуымыз керек. Ал оның бәрі жергілікті бюджет есебінен атқарылатын болады, – деді Тарбағатай ауданының әкімі Ділдабек Оразбаев.