Ақтөбедегі террористерді өте қатаң жазалаймыз – Қасым-Жомарт Тоқаев
Ақтөбедегі теракт — шектен шыққандықтың айқын белгісі деп санайды ҚР Парламенті сенатының төарағасы Қасым-Жомарт Тоқаев. Сенатор бұл пікірін Twitter-дегі жеке парақшасында жариялады.
„Ораза айы қарсаңындағы Ақтөбедегі теракті — қарақшылардың шектен шыққандығы мен қатігездігінің көрінісі. Оларды жазалау үшін ең қатал шаралар қолданылып жатыр„ деп жазды Қасым-Жомарт Тоқаев.
5-маусымда Ақтөбеде лаңкестер Ұлттық гвардияның әскери бөлімшесі мен қару-жарақ дүкендеріне шабуыл жасады. Атыс барысында алты адам қаза тауып, 11 адам жараланды.
Қалада лаңкестікке қарсы режим жарияланды. Ойын-сауық және көңіл көтеретін орындар жабылып, қоғамдық көліктер тоқтатылды.
Ақтөбеде қазіргі кезде ахуал тұрақты. Бұл туралы халықты сабырлылыққа шақырған Ақтөбе облысының әкімі Бердібек Сапарбаев бүгін мәлім етті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе