Ақмола облысындағы мектеп қазандығындағы өртке байланысты отыздан астам оқушы көрші ауылда оқитын болады.
Ақмола облысындағы ауыл мектебінде қазандық өртенді, құрбан болғандар мен зардап шеккендер жоқ, деп хабарлады Sputnik-ке төтенше жағдайлар департаментінің баспасөз қызметіндегілер.
“Өрт шығуының алдын ала себебі – жылыту пешін пайдалануда өрт қауіпсіздігі ережелерінің бұзылуы. Қазандықта қалпына келтіру жұмыстары жүргізілуде”, — деді Зеренді ауданы төтенше жағдайлар басқармасы.
Зеренді ауданының білім беру бөлімінің хабарлауына сәйкес, сабақтар уақытша көрші ауылда өтетін болады.
“Доңғұлағаш мектебінің 32 оқушысын көрші мектепке тасымалдау ұйымдастырылды. Оқу процессі үзілген жоқ”, — деп сендірді білім беру бөліміндегілер.