Алматы қаласының Алмалы ауданында полиция қызметкерлері ақылы интимдік қызмет көрсетілуі мүмкін деген күдікке ілінген екі пәтерді тексерді.
Төле би даңғылындағы үйлердің бірінде притон жұмыс істеуі мүмкін екені туралы хабарлама түскен. Оқиға орнына жеткен «Буран-205» патрульдік экипажы ақпаратты растады. Пәтерде болған әйел жеке басын анықтау және құқық бұзушылықтарға қатысы бар-жоғын тексеру үшін полиция бөліміне жеткізілді.
Полиция мұндай деректерді анықтау жұмыстарын жалғастыратынын және азаматтардан түскен әрбір хабарлама бойынша тиісті шаралар қабылданатынын мәлімдеді.