«Еңбекақы бермеген» Сәкен Майғазиев тағы дауға ілікті
Әнші Сәкен Майғазиевке қатысты әлеуметтік желілерде кезекті дау туындады. Бұл жолы әнші еңбек ақымызды бермеді деп айыпталып отыр. Бұл туралы 365info.kz сайты Alash.kz ұлттық порталына сілтеме жасап хабарлайды.
Түркістан қаласының тұрғыны Дариға Жолдас Threads әлеуметтік желісінде жазба жариялап, Майғазиевтер әулетінің атынан ашылған SMart мектебі күйеуінің еңбекақысын төлемей жүргенін мәлімдеген. Оның айтуынша, жұбайы аталған білім беру мекемесінде үш ай жұмыс істегенімен, жалақысын ала алмаған.
Дариға Жолдастың жазуынша, еңбекақы мәселесі бойынша Сәкен Майғазиевтің ұлы Әділетке бірнеше рет хабарласқан. Алайда «береміз» деген уәделер айтылғанымен, мәселе екі жылдан астам уақыт бойы шешілмеген.
Бұл жазба жарияланғаннан кейін Сәкен Майғазиев пен оның ұлы Әділет Дариға Жолдаспен байланысқа шығып, жазбаны алып тастауды сұраған және еңбекақыны 25 ақпанға дейін беруге уәде еткен.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе