Алматыда қыз зорлаған танымал фотограф сотталды
Алматы қалалық Медеу ауданының № 2 аудандық сотында зорлау ісі бойынша айыпталған 34 жастағы азамат Азамат Кенжеғұловқа қатысты қылмыстық іс қаралды.
2023 жылғы 8-наурыздан 9-на қараған түні Азамат Кенжеғұлов қаланың түнгі клубтарының бірінде демалып, сол уақытта өзінің құрбыларымен демалып жүрген танысы О-мен кездескен. Бұдан кейін, К. оны үйіне шығарып саламын деген сылтаумен өз пәтеріне әкелді. Әрі қарай, жәбірленушінің дәрменсіз күйін (алкогольдік мас болу) пайдаланып, зорлық-зомбылық көрсетіп, жәбірленушінің еркінен тыс жыныстық қатынас жасаған. Осылайша сотталушы зорлау ісін жүзеге асырған.
Прокурор сотталушыны кінәлі деп тануды және 5 жыл 4 айға бас бостандығынан айыру жазасын тағайындауды сұрады.
Сотталушының кінәсі іс бойынша жиналған сараптамалардың қорытындылары, жәбірленуші мен куәгерлердің айғақтары арқылы дәлелденді. Сот үкімімен К. ҚК-нің 120 бабы 1 б. бойынша кінәлі деп танылды және оған 5 жылға бас бостандығынан айыру түріндегі жаза тағайындалды, сотталушы жазасын қауіпсіздігі орташа қылмыстық-атқару жүйесі мекемесінде өтейді.
Үкім заңды күшіне енген жоқ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе