Шамалған станциясында бірегей көпір пайдалануға берілді
Алматы облысы Қарасай ауданындағы Шамалған станциясының теміржол өткеліндегі жаяу жүргіншілер көпірінің құрылысы аяқталды.
Естеріңізге сала кетейік, өңірде 2019 жылдан бастап облыстық маңызы бар «Алматы 1 – Шамалған станциясы – Ұзынағаш» автомобиль жолына жөндеу жұмыстары жүргізілуде.
«Бүгін біз бір жыл бұрын болған қайғылы оқиғадан кейін жаяу жүргіншілер көпірінің ашылу салтанатына жиналып отырмыз. Біз тұрғындарға көпір саламыз деп уәде бердік. Бір жыл ішінде жоба әзірлеп, сараптама жасап, жергілікті бюджеттен жаяу жүргіншілер өткелін қайта жөндеуге 365 млн теңге бөлінді, —
деп атап өтті облыс әкімі Амандық Баталов. —
Облыста «Жұмыспен қамтудың жол картасы» бағдарламасы жүзеге асырылуда, оның аясында республикалық бюджеттен 105 млрд теңге бөлінді. Облыста жолдарды, мектептерді, ауруханаларды, сондай-ақ әлеуметтік-мәдени мақсаттағы объектілерге жөндеу жүргізілуде.
Жаяу жүргіншілер көпірінің ұзындығы-61,56 метр, биіктігі-9 метр. Нысан пайдалануға беріледі».
Инженерлік желілерді, байланыс желілерін көшіру, іргетас астындағы топырақты тұрақтандыру, іргетастың монолитті плиталарын төсеу, баспалдақ жолдарының металл бағаналарын, электрмен жабдықтау желілерін және жарықтандыру жабдықтарын орнату бойынша жұмыс аяқталды.
«Бұл бірегей жоба. Көпірде сәндік шағылысатын панельдер орнатылып, аумағы толығымен абаттандырылған. Құрылыс жұмыстарына 364,5 млн теңге бөлінді», —
деді Алматы облысы Жолаушылар тасымалы және автомобиль жолдары басқармасының басшысы Ержан Жасыбаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе