Әншілер Халыққа қызмет көрсету орталықтарында жұмыс істеп жатыр
Астана мен Алматы қалаларындағы, Ақмола мен Алматы облысындағы Халыққа қызмет көрсету орталықтарында халыққа қызметті эстрада жұлдыздары көрсетіп жатыр.
Ол жайлы «Азаматтарға арналған үкімет» мемлекеттік корпорациясының қоғаммен байланыс департаментінің директоры Мұрат Жұманбай Фейсбуктегі парақшасында жазды, деп хабарлайды ҚазАқпарат.
«Достар! Жұлдыздардың бірінші тобы халыққа қызмет көрсету орталықтарында өзінің бір күндік жұмысын бастап кетті. Құрмаш Махан мен Ғани Жапишов Ақмола облысының Ақмоа кентіндегі ХҚО-да, ал Айжан Нұрмағанбетова мен Мырзахан Маханов (Жігіттер тобы) Алматы қаласындағы Медеу аудандық ХҚО-да азаматтарға қызмет көрсетіп жатыр», – деген Мұрат Жұманбай әншілердің халыққа қызмет көрсетіп жатқан фотоларын жариялады.
Еске сала кетсек, 2018 жылдың 24 тамызында шоу-бизнестің жұлдыздары мен қоғам қайраткерлері азаматтарға қызмет көрсететінін Мұрат Жұманбай кеше хабарлаған болатын. Елге белгілі азаматтар бір күн бойы Халыққа қызмет көрсету орталықтарында жұмыс істейтін болады. Эстрада жұлдыздары жаппай ХҚО-ға жұмысқа «тұрып жатыр»
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе