Иван Дычко америкалықты бірінші раундта нокаутқа жіберді (видео)
Қазақстандық боксшы Иван Дычко кәсіпқой бокстағы кезекті жеңісіне қол жеткізді, деп хабарлады Sports.kz.
Холливудтағы (АҚШ, Флорида штаты) Seminole Hard Rock Hotel and Casino ойын-сауық кешеніндегі бокс кеші аясында Дычко 42 жастағы америкалық Морис Харриспен (26-22-3, 11 КО) кездесті. Қазақстандық бірінші раундта нокаутпен жеңіске жетті.
Осылайша, Дычко кәсіпқой бокстағы жеті жекпе-жегінің жетеуін де мерзімінен бұрын аяқтады. Бұған дейін Иван спаррингте ешкім соңына дейін шыдай алмайтынын айтып қынжылған болатын. Осыған орай ол тәжірибелі боксшылардан көмек сұрады.
Сондай-ақ Дычко бір жылдан кейін үлкен жекпе-жектерге дайын болатынын айтты. Қазақстандық боксшы дивизионның лидерлері – Энтони Джошуамен (21-0, 20 КО), Деонтей Уайлдермен (40-0, 39 КО) жұдырықтасқысы келетінін атап өтті.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз