“Мынау Зина апа ғой!..”. Батыс Қазақстанда бір емшінің қылмысы әшкере боп, ел шулап жатыр
БҚО-да „бедеуліктен емдеймін„ деп науқастарды алдап, қомақты ақша алып келген алаяқ зейнеткер әйел ұсталды.
Тексере келгенде бұған дейін темір тордың ар жағында боп келген бұл әйелдің тағы 8 қылмысқа қатысы боп шыққан. Бұл туралы BNews.kz хабарлады.
Негізінен, күдіктінің үстінен бірнеше әйел ішкі істер органдарына арыз түсірген.
«Затон полиция бөліміне „бедеуліктен емдеймін„ деп ақша алған алаяқтың үстінен бірнеше арыз келіп түсті. Бұрын сотталған 57 жастағы зейнеткер 2017 жылдың қаңтар айынан бастап осы жылдың сәуіріне дейін науқастарды „бедеуліктерінен емдеймін„ деп алдап, көлемді қаражат алып келген. Қазіргі кезде жәбірленушілерден алаяқ әйелдің берген дәрілері алынып, олар тексеруге жіберілді», – делінген облыстық ІІД таратқан мәлімдемеде.
Жәбірленушілерден зейнеткер осы күнге дейін 3 миллион теңге қаражат алып үлгеріпті. Тексеру барысында алаяқ әйелдің 8 қылмысқа қатысы бары анықталған.
Қазіргі уақытта сотқа дейінгі тергеу амалдары жүріп жатыр. Полицейлер алаяққа алданып қалған өзге де жәбірленушілердің бар-жоғын анықтауда.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе