Соттың осынау шешімі қоғамда үлкен наразылық туғызып отыр. Екі күннен бері әлеуметтік желі қолданушылары парақордың еш жазасыз құтылып кетуінің себебін түсіне алмай әлек. Ал, Алматы қалалық сотының төрағасы Ақжан Ештай болса Нидің босап шығуы әділ шешім болғанын айтып отыр. Бұл туралы Sputnik порталы хабарлады.
Судья $1 млн пара алған Нидің сот залынан босауын әділ шешім дейді
«Қорғас» шекара маңы ынтымақтастық халықаралық орталығының экс-президенті Василий Ниді былтыр 1 миллион доллар пара алып жатқан жерінен құқық қорғаушылар ұстаған болатын. 24 сәуір күні болған соңғы сот отырысында судья оған ешқандай шара қолданбайтынын айтып, сот залынан босатты.
Судьяның айтуынша, Василий Ни мен Махаббат Сейдуллаеваның ісі аяқталмаған қылмыс болып есептеледі екен. Яғни, қылмыс жасауға оқталу. Оның үстіне, басты күдікті өз кінәсін толық мойындап, кешірім сұраған.
«Ешкімге ешқандай залал келген жоқ. ҚР Қылмыстық кодекстің 65-бабына сәйкес, егер сотталушы ешқандай залал келтірмесе, кешірім сұрап, істің жүруіне көмектессе ол жауапкершіліктен босайды. Заңда солай көрсетілген», − дейді Ақжан Ештай.
Еске салайық, былтыр қыркүйекте Василий Ни 1 миллион долларды пара ретінде алып жатқан жерінде ұсталған болатын. Ол өзінің қоластындағы қызметкері Махаббат Сейдуллаева арқылы инвесторлардан ақша бопсалаған. Осындай жайттардың бірінде Ни «Хоргос Тюльпан» компаниясының басшыларынан 1 миллион доллар пара сұрап, оны алып жатқан жерінде қолға түсті.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз