Египеттегі екі жарылыстан кем дегенде 36 адам қаза тапты
Египетте жексенбі күні болған екі жарылыстан кем дегенде 36 адам қаза тапты. Алғашқы шабуыл Александрия қаласының оңтүстік-шығысында 130 шақырым жерде орналасқан Танта қаласының Әулие Георгий шіркеуінде болған, бұл жарылыстан 25 адам қаза тапты.
Ресми мәлімет бойынша, шіркеуде діни рәсімдерді өткізген патриарх Тавадрос II зардап шекпеген. Одан кейін Александрия қаласының өзінде екінші жарылыс болды. Әулие Марк шіркеуіндегі шабуылдан 11 адам қаза тапты.
Екі шабуылдың жауапкершілігін “Ислам мемлекеті” экстремистік тобы өз мойнына алды.
9 сәуірде христиан әлемі Пасха мерекесі алдындағы жексенбілік діни рәсімін өткізді. Египеттегі христиан копт қауымына шамамен алты миллион адам мүше.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз