Ресейде полицейлерді өлтірді деген күдіктінің бірі Атырауда ұсталды
Астрахань өңірінде полиция қызметкерлерін өлтіруге қатысы болуы мүмкін Ресей азаматтарын тексеру жалғастырылуда.
Бұл ретте Қазақстан Республикасы Ұлттық қауіпсіздік комитеті және Ішкі істер министрлігі ресейлік әріптестердің берген бағдарымен іс-қимыл жасап жатыр, деп хабарлады ҚР Ұлттық қауіпсіздік комитетінің баспасөз қызметі.
Жүргізілген жедел іс-шаралардың нәтижесінде іздеудегі адамның бірі – Гизатов Альибек Батырбекович (Қазақстанның тумасы, 1990 жылы туылған) Атырау облысында табылды. Гизатовтың вахталық әдіспен кәсіпорындардың бірінде жұмыс істеу үшін республика аумағына биылғы жылдың 31-наурызында келгені анықталды.
Еске сала кетелік, 4 сәуірде Астраханьда Ресей полициясының екі қызметкері өлтірілген. Қылмысқа қатысты деген күдікпен Ресейдің сегіз азаматына іздеу салынды, алдын ала болжам бойынша олардың екеуі Қазақстанның тумасы деп ақпарат тараған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе