Ақпарат министрі Қарағанды облысындағы қайғылы жағдайға байланысты көңіл айтты
ҚР Ақпарат және коммуникациялар министрі Дәурен Абаев Қарағанды облысында орын алған қайғылы жағдайға байланысты көңіл айтты.
Бұл туралы Дәурен Абаев Facebook-тегі жеке парақшасында жазды.
“Жаңа жылда Шахтинск қаласы, Шахан ауылында қайғылы жағдай орын алып, қазақстандықтардың өзегін өртеді. Біз бәріміз қаза тапқан отандастарымызды аза тұтып, орны толмас өкініштен қиналысымызды білдіреміз. Қаза тапқан азаматтардың туған-туыстары мен жақын-жамағайына көңіл айтып, зардап шеккендердің тез сауығып кетуін тілейміз” делінген министр жазбасында.
Еске сала кетейік, 1 қаңтар күні 22:40-та Қарағанды облысы төтенше жағдайлар департаментінің құтқару бөліміне Шахтинск қаласы Шахан кентіндегі көпқабатты үйдің бір бөлігі опырылып түскені туралы қоңырау шалынған. Оқиға орнына шұғыл түрде жеткен құтқарушылар тұрғындар қауіпсіз жерге көшірді. Қазіргі уақытқа дейін үйінді астынан 9 көз жұмған адамның денесі аршып алынды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз