Қадыров қойсай! Шешен президенті Сирияға “әскер жіберемін” дейді
Шешенстан басшысы Рамзан Қадыровтың мәлімдеуінше, Кремль қажет деп тапса, республика әскері Сириядағы “арамдарға” қарсы соғысуға қуана-қуана келіседі. Қадыров ресейлік басылымдардың Сирияға екі шешен арнайы батальонын жіберетіні туралы хабарламасына осындай пікір білдірді.
Қадыров бұл мәліметті растаған жоқ, бірақ Instagram әлеуметтік желісі арқылы соған қатысты пікір білдірді. “Ресей президенті Владимир Путиннің жарлығымен Сириядағы арамдармен соғысқа қуана-қуана аттанушы едім”, – деп жазды Қадров. “Жаудың бөлтіріктері сенің жеріңе жетем дегенше, оның көзін апанында жою керек”, – деп есептейді Шешенстан басшысы.
Қадыров өзі мен әскерін бірнеше мәрте “Путин жауынгерлері” деп атады. Биыл Қадыров мемлекеттік телеарна эфирінде “өз адамдарын” “Ислам мемлекеті” экстремистік тобына ендіру арқылы барлау мәліметтерін алу үшін Сирияға жолдағанын мәлімдеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе