Татарстан президенті Рустам Минниханов пен Астана әкімі Әсет Исекешев елордада Қазақстандағы Татарстан Республикасының өкілетті өкілдігінің ашылуына қатысты.
Астана әкімі Татарстан президенті Рустам Миннихановты және жергілікті татар диаспорасын аталмыш қуанышты сәтпен құттықтап, елорда үшін бұл өте жоғары мәртебеге ие оқиға екендігін атап өтті деп хабарлады Астана әкімдігінің баспасөз қызметі.
«Астанаға қош келдіңіздер! Екі ел арасындағы қарым-қатынас жақсы дамуда. Бұл қарқын азаймай, керісінше, жаңа деңгейге көтеріледі деп сенемін. Бүгінгі өкілдіктің ашылуы – біздің достығымыздың айқын дәлелі. Достығымыз мәңгі болсын! Бұл оқиға біздің әріптестігіміздің дамуына қосымша серпін береді деп сенемін!», – деді қала басшысы аталмыш өкілдіктің ашылу салтанатында.
«Әлбетте біз бір-бірімізге өте жақын, бауырлас халықпыз және Қазақстан Президентінің Татарстан халқына деген үлкен қамқорлығы сезіледі. Осындағы татар диаспорасына да барлық жағдайлар жасалып жатыр, біз бұған тек қуанамыз. Сіздерге бекзат, рахмат!», – деді Татарстан президенті Рустам Миннихамов.
«Бұл Сіздердің ортақ үйлеріңіз, осында кез келген уақытта келе аласыздар және ол Қазақстан мен Татарстан арасындағы байланыстырушы дәнекер болады»,-деп қосты ол.
Айта кетейік, қазіргі уақытта Қазақстанда татарлардың саны 300 мыңнан асып жығылады. Ал, Астанада 12 мың татар бар.