Оңтүстік Қазақстан облысы ішкі істер департаментінің полиция қызметкерлері интернет желісінде тас жолда көлік қаққан адам туралы бүгін пайда болған бейнеролик бойынша тексеру жүргізіп жатыр.
Еске сала кетелік, бүгін Instagram әлеуметтік желісінің smotra_shymkent тобында «Сарыағашта адамды қағып кетті» деген тақырыппен бейнеролик жарияланып, онда жәбірленуші азаматқа сол жердегі адамдар көмек көрсеткені көрсетілген. Ондағы адамдардың сөзіне қарағанда, бұл оқыс оқиға Оңтүстік Қазақстан облысының Сарыағаш ауданындағы тас жолда орын алған секілді.
„Алайда аталған бейнематериалды тексеру барысында анықталғаны, бұл оқиғаның Сарыағаш ауданында орын алуы мүмкін деген пікір өз негізін таппады„ деп мәлімдеді Оңтүстік Қазақстан облысы ішкі істер департаментінің баспасөз қызметі.
Бұл бейнероликті тамашалаушылар көлік қағып, ауыр жарақат алып, қансыраған адамға көмекке келгендердің өз бетінше әрекет қылуы наразылық туғызған. Мұндай жағдайда тек жедел жәрдем көлігін күту маңызды көрінеді. Алайда бейнетаспадағы сөздер арасынан „айдалаға жедел жәрдемнің келуі екіталай„ дегенді байқауға болады.
https://www.youtube.com/watch?v=dNN-9cTPQXg