Сыртқы істер министрі Елбасының таяу күндергі жұмыс сапары кестесімен бөлісті
ҚР Сыртқы істер министрі Ерлан Ыдырысов биылғы жылы Елбасы Нұрсұлтан Назарбаевтың шетелге баратын сапарлары туралы айтып берді.
Бұл туралы Қазақпарат хабарлады.
– Президенттің халықаралық бағдарламасындағы жұмысы өте тығыз. Осы ретте Польшаға, Сербияға сапарлар жоспарланған, сонымен қатар біз қыркүйекте Қытайдағы G20 Саммитіне шақырылдық.
Бұдан бөлек, Елбасы күзде Жапонияға, Кореяға сапарлайды, сондай-ақ Әзірбайжан мен Арменияға, Сауд Арабиясы Корольдігіне және Иорданияға барады.
Мұнымен қоса, басқа да шаралар өткізіледі. Қыркүйектің орта кезінде біз ТМД-ның 25 жылдығын атап өтпекпіз, – деді министр еліміздегі шетел дипломатиялық корпусы өкілдеріне арналған брифингте.
Ерлан Ыдырысовтың айтуынша, 2017-2018 жылдары Қазақстан БҰҰ ҚауіпсіздіккКеңесінде тұрақты емес мүшелігінде өзіне жауапкершілікті алуға байыппен дайындалуда.
Осы орайда мүшелік бойынша кешенді жоспар әзірленіп жатыр.
– БҰҰ Қауіпсіздік Кеңесінің тұрақты емес мүшелігіне Қазақстанның сайлануына өте қуаныштымыз. Бұл тұрғыда сіздердің қолдауларыңызға, ынтымақтастық жұмыстарыңызға үлкен алғысымызды айтамыз, – деді министр еліміздегі шетел дипломатиялық корпусы өкілдеріне қаратып айтқан сөзінде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе