Британиялық «Манчестер Юнайтед» футбол клубы итальяндық «Ювентустан» француз футболшысы Поль Погбаны 155 миллион долларға алды, деп хабарлады ВВС агенттігі.
23 жастағы жартылай қорғаушының ауысуы жайлы келісімшарт футбол тарихындағы ең қымбат трансфер деп аталды.
«Манчестер Юнайтед» мәліметі бойынша, Погбаның жаңа келісімшарты бес жыл мерзімге және тағы бір маусымға созу құқығымен жасалды.
2014 жылдың қаңтарында Погба «Guardian» газеті жасаған Еуропаның он үздік жас футболшысының тізіміне енді.
Өткен маусымда футболшы 49 матч өткізіп, «Ювентустің» пайдасына 10 гол соққан, ал Франция құрамасы сапында Еуро-2016 финалына дейін жетіп, Португалияға есе жіберді.