Мюнхендегі оқиғаға қатысты ресми мәлімдеме: оқ атқан бір-ақ адам
Мюнхен полициясы 9 қала тұрғынын жер жастандырған кім екенін анықтады. Ол – 18 жастағы ирандық.
Би-би-си агенттігі ресми мәліметке сілтеме жасай отырып, тоғыз адамды жер жастандырғандардың бірі Германия азаматы екенін, оның Мюнхенде бірнеше жыл бойына тұрып келе жатқанын хабарлайды.
Полициядағылар анықталған тұлғаның жалғыз әрекет еткенін, бұған дейін құқық қорғау органы назарына ілінбегенін мәлімдеп отыр. Осылайша оқ атушы үш адам деген мәлімет жоққа шығарылды.
– Ирандық жас жігіттің денесі оқ атқандарды іздестіру жөніндегі арнайы операция кезінде табылды. Оны полиция қызметкерлері атты ма, әлде ол өз-өзіне қол жұмсады ма, оны әзірге нақты айта алмаймыз – дейді қалалық полиция басшысы Губерт Андре.
Мюнхенде 22 шілдеде кешке Германияның Мюнхен қаласында кеше «Олимпия» сауд орталығында, Карлсплатц алаңында және метро стансасы жанында атыстар орын алды. Алдында мерт болғандар саны 10-15 адам делінген. Алайда жергілікті биліктің ресми дерегіне сәйкес, мерт болғандардың саны – 9, сондай-ақ 16 адам түрлі жарақатпен аурухаға түскен, оның үшеуінің жағдайы өте ауыр деп бағаланған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз