Еріктілер Алматыда із-түзсіз жоғалып кеткен Сафар Шакеевтің табылатынынан үміт үзбей, іздеу жұмыстарын жалғастырып жатыр.
«Сафарды іздеу жұмыстары жалғасып жатыр. Еріктілермен кездесу 19 шілде күні таңғы 7-де Әл-Фарабиден жоғары, Весновка бойындағы балалардың ойын алаңында болады. Оған үлгермесе, штаб «Саду» ресторанында орналасқан (Әл-Фараби даңғылы, Достық пен Фурмонов көшелерінің ортасында). Байланыс телефоны: Ерікті-координатор Ислам Угушев – 87072526100.
Әлеуметтік желілерде пікір білдірушілер іздеу жұмыстарына дрондарды пайдалану қажет деген ой тастайды. Бұл іздеу аясын кеңейтеді.
Айта кетейік, кеше жоғалып кеткен Сафар Шакеевтің қайда екенін айтқан адамға 10 млн. теңге сыйақы тағайындалған болатын.