„Қызыл жалын ішінен бес газ баллоны сыртқа шығарылды. Сондай-ақ бір адамның өлі денесі табылды„ деп хабарлайды ШҚО ТЖЖД баспасөз қызметі.
От бір-біріне жабыса орналасқан барақ үйдің шатырынан бастау алған. Нақтырақ айтқанда, үйдің төбесіндегі жабындыдан от тұтанған. Ағаштан салынғандықтан, төбе шатырлап, лезде жанып, бір демде төрт пәтерді қызыл жалынға ораған.
„Өрт сөндірушілердің бір тобы қызыл жалынмен күрессе, екінші тобы үй ішінен зардап шеккендерді іздестірді. Өртенген бір үйдің ішінен ер адамның өлі денесі табылды, қазір оның кім екені анықталып жатыр. Одан басқа зардап шеккендер жоқ„ делінеді хабарламада.
„Өрт сөндірушілер тілсіз жаумен шамамен бір сағат алысты. Өрт алған аумақ 360 шаршы метрді құрайды. Отпен күреске 19 адам және 4 техника жұмылдырылды. Қазір апат орнында облыстағы „Өрт сөндіру қызметі және апатты-құтқару жұмыстары„ зертханасының қызметкерлері жұмыс істеп жатыр. Мамандар адамдардың бейқамдығынан өрт шықты деген болжамды қарастырып көріп жатыр„ делінеді ШҚО ТЖЖД таратқан хабарламада.