Алматыда барахолка маңында жантүршігерлік жол апаты болды.
Бұл туралы СТВ арнасындағы“Территория происшествий” бағдарламасына сілтеме жасаған baq.kz хабарлады.
“Болашақ” базарына қарама-қарсы жерде екі автокөлік соғысқан. Куәгерлердің айтуынша Mitsubishi Eclipse автокөлігі көшемен солтүстік бағытта кетіп бара жатқан. Белгісіз себептермен шетелдік автокөліктің жүргізушісі қарсы бетке шығып кетіп, оңтүстік бағытта кетіп бара жатқан Toyota Camry көлігімен бетпе-бет соғысқан.
Жол-көлік оқиғасынан үш адам зардап шеккен. Құтқарушылар адамдарды көліктен шығару үшін арнай техникаларды қолданған. Олар ауыр халде ауруханаға жеткізілген. Полиция жол апатының неліктен болғанын анықтап жатыр.