Қазақстандықтардың жартысына жуығы айына 112 мың теңгеден төмен жалақы алады, ал еліміздегі ең «танымал» жалақы 58 мың теңге.
Бұндай мәліметтерді статистика комитетіне сілтеме бере отырып, ranking.kz сайты келтіреді. Медианалық жалақыны есептеуде орташа жалақы деп барлық жалақылар көлемі көрсетілген тізімнің дәл ортасы алынады. 3,3 млн жұмыскер 112,2 мыңнан төмен жалақы алған.
Медианалық жалақы көтерілгенмен, оны инфляция «жеп қойған». 2019 жылы инфляция көлемі 5,4% құраған
2019 жылы орташа жалақы 15,8%-ға — 203,9 мың теңгеге өсті.
Медианалық және орташа жалақының аймақтар бойынша айырмашылығы 45% -дан 67,4%-ға дейін құбылады.
2019 жылдың төртінші тоқсанының қорытындысы бойынша ел астанасындаға орташа жалақы 308,1 мың теңге, медианалық жалақы — 157,4 мың. Алматыда сәйкесінше — 248,7 және 141,4 мың.
2019 жылы халықтың көп бөлігі алатын жалақы 27,5%-ға, 58 034 теңгеге дейін төмендеген
Жамбыл (67,4%), Павлодар (67,4%) және Солтүстік Қазақстан (66,8%) облыстарында ең жоғары жалақы теңсіздігі анықталған.