1-қаңтардан бастап кәсіпкерлердің салық бойынша қарызы кешіріледі
2019 жылдың бірінші қаңтарынан бастап Нұрсұлтан Назарбаевтың тапсырмасы бойынша салықтық амнистия жүргізіледі.
Бұл туралы Sputnik Қазақстан хабарлады.
Амнистияға қатысатын 90 мың кәсіпкер жалпы сомасы 340 миллиард теңгені құрайтын қаражат қарыз екен.
Кәсіпкерлер 2018 жылдың бірінші қазанындағы көрсеткіш бойынша есептелінген негізгі қарыздарын 2019 жылдың 31 желтоқсанына дейін өтейтін болса, мемлекет өсімақы немесе айыппұлдарды кешіруге міндеттелді.
Амнистияға акцизделген тауар өндірушілері, мұнай саласындағы компаниялар мен жалған кәсіпорындар қатыса алмайды.
Салық қарыздары жағынан Қарағанды облысы көш бастап тұр. Облыс қарызы 56 миллиард теңгені құраған.
Екінші орында Алматы қаласы – 54,2 млрд теңге, үшінші орында – 48 млрд теңгемен Шымкент қаласы. Шығыс Қазақстан облысының қарызы 39,3 миллиард теңгені құраған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе