ҚР Ұлттық банктің 6-7 шілде күндеріне белгілеген 1 АҚШ долларының ресми бағамы — 337,07 теңге. Ал ақша айырбастау орындарында америкалық валюта осы аптада тұрақты түрде 339 теңгеден сатылып жатыр.
Kurs.kz сайтындағы деректерге сүйенсек, Алматыдағы ақша айырбастау орындарында бүгін 1 АҚШ доллары 336-337 теңгеге сатып алынып, 338,5-339 теңге аралығында сатылып жатыр.
АҚШ долларына қатысты ресми бағам Қазақстан қор биржасындағы 5-шілдедегі таңғы және күндізгі сессия (негізгі) қорытындысы бойынша белгіленген. Сауда кезінде америкалық валютаның теңгеге қатысты ресми бағамы 337,07 теңге деңгейінде нақтыланды.