Айдос Сарым: Жазушылық – дін емес. Мағауин – Қағба емес
Саясаттанушы Айдос Сарым жазушы Рақымжан Отарбаевтың бірқатар қазақ жазушыларына шүйліккен пікіріне қатысты өз көзқарасын білдірген екен.
Осы біздің қазаққа қайран қаламын! Рақымжан Отарбаев Мұқтар Мағауин туралы пікір айтыпты деп бұлқан-талқан болып жатыр.
Ал, жарайды, айтқан шығар. Қақысы бар. Ол да жазушы, ойы бар, пікірі бар. Біреуге ұнайды, біреуге ұнамайды. Мағауин де солай. Өз араларындағы қарым-қатынас, бəсекелестік шығар.
Алайда осы үшін қалған халықтың қылғынатындай жөні бар ма? Ауызы бар, айтады да. Қажеті болса, Мұқаң өз жауабын берер. Бала емес, кемтар емес. Қарымды қаламгер, тірі классик жазушы.
Жазушылық – дін емес. Мағауин – Қағба емес. Жазушылық, шығармашылық үшін бұл үрдіс, тіпті, пайдалы, керек десеңіздер. Бүгінгі əдебиетіміздің тұралап қалуы, айналып келгенде, сынның жоқтығынан.
Мағауин Отарбаевқа емес, қоғамға жауап беруі керек. Жаңа романымен, жаңа дүниесімен, жаңа жазбаларымен. Жаңа туындысын оқыған соң: “Ееее, Отарбаевтікі дұрыс емес екен! Мұқаңдай жазып алсыншы алдымен!” – деп отырайық сосын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе