Сапасыз протез үшін шымкенттік 2 миллион теңгеден астам ақша өндіріп алды
Шымкент тұрғыны мүгедектер қоғамдық бірлестігі сапасыз протез бергені үшін олардан 2 миллион теңгеден астам өтемақы өндіріп алды. Бұл туралы 365info.kz сайты Оtyrar.kz порталына сілтеме жасап хабарлайды.
Азаматтық істер жөніндегі ауданаралық соты мүгедектігі бар әйелдің мүгедектердің қоғамдық бірлестігіне қарсы материалдық шығынды өндіру және моральдық зиянды өтеу туралы талап-арызын қарады.
«Сот талап-арызды ішінара қанағаттандырды. Талапкердің алдағы уақытта толыққанды өмір сүруі үшін сапалы протез сатып алуы қажет екенін ескере отырып, 1 064 000 теңге көлемінде материалдық шығын өндірілді. Сондай-ақ көрсетілген жағдайлардың салдарынан талапкер күйзеліс, жабырқау және жайсыздық сезімдерін бастан өткергенін ескерді», — деп хабарлады Шымкент қалалық сотының баспасөз қызметі.
Сөйтіп сот бірлестікті талапкердің пайдасына тағы 1 000 000 теңге көлемінде моральдық зиян үшін өтемақы төлеуге міндеттеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе