Жыл сайын Қазақстан мұнай кеніштерінен 300 мың тоннаға жуық мұнай ұрланып, сатылады
Одан түскен қаржы қылмыстық топтардың, оның ішінде радикальдық діни ұйымдардың қызметін қаржыландыруға жұмсалады екен.
Бұл туралы ҚР Мемлекеттік қызмет істері және сыбайлас жемқорлыққа қарсы іс-қимыл агенттігі мәлім етті деп хабарлады Еуразия бірінші телеарнасы.
„Мұнай және мұнай өнімдерінің заңсыз айналымы ел экономикасының көлеңкелі тұсын қоюлата түседі.Тағы бір жағынан ол жекелеген қылмыстық топтардың, оның ішінде радикальдық діни ағымдардың қызметін қаржыландыратын көзге айналуда„ – дейді агенттіктің экономикалық және қаржылық қылмыстарды тергеу департаментінің бастығы Жанат Элиманов
Еске сала кетелік, кеше 7-желтоқсанда Ұлттық қауіпсіздік комитеті Сыбайлас жемқорлыққа қарсы іс-қимыл ұлттық бюросының және Ақтөбе облыстық ішкі істер органымен бірлесе отырып, мұнай ұрлау және мұнай мен мұнай өнімдерінің заңсыз саудасымен айналысқан ұйымдасқан қылмыстық топтың қызметінің жолын кесу бойынша ірі арнайы операцияны бастады. Жедел-іздестіру шараларының барысында мұнай ұрлауға қатысы бар деген күдіктілер ұсталды, мұнай мен мұнай өнімдері бар автоцистерналар тәркіленді. Ал Алматыдан қылмыстық топтың басшысы ұсталды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз