ҚР Ақпарат және коммуникациялар министрі Дәурен Абаев журналистерді аккредитациялау ережелерін кеңінен талқылауды тапсырды.
“Аккредитациялау ережелері тек консенсус негізінде ғана қабылдануы шарт. Бұқаралық ақпарат құралдарының пікірлерін барынша ескеру керек” – деп келтіреді inform.kz Абаевтің сөзін.
Бұдан бұрын ведомство жаңа ережелерді — дәлірек айтқанда, қолда бар ережелерге түзетулерді көпшіліктің талқылауына ұсынды. Құжат іс-шараға өту үшін журналистерден талап етілетін құжаттардың санын арттыруға бағытталған. Сонымен қатар, журналист модератор белгілейтін регламентті сақтамағаны үшін аккредитациядан айырылуы мүмкін.