Пайдаланылмайтын ауыл шаруашылығына жарамды жерлерге салықты 10 есеге арттырудың арқасында Успен ауданының бюджеті 4,2 млн теңгеге толықпақ.
Бұл туралы өңірлік коммуникациялар қызметінде өткен брифинг кезінде Успен ауданының әкімі Сергей Саламацкий мәлім етті, деп хабарлайды pavlodarnews.kz.
«Жер салығын 10 есе көбейту туралы» аудандық мәслихаттың шешіміне сәйкес Успен ауданының мемлекеттік кірістер департаментіне аймақтағы пайдаланылмай жүрген және пайдалану шарттарын бұзып отырған шаруашылықтар мен кәсіпкерлердің тізімі жіберілген болатын. Осылайша, 11,3 мың гектар жерде 30 жер учаскесі бар шаруалар 4,2 млн теңге салық төлеуі тиіс», — деді Сергей Саламацкий.