Алматыда тұратын 22 жастағы жас қазақ қызы «спонсор» іздеп жүргенін айтып, өзіне жарнама жасап жүр. Бұл қызбен ашына болу үшін оған жеке пәтер әперіп, ай сайын миллион теңге төлеп және «Айфон 7 плюс пен оған әдемі нөмір» сыйлау керек екен.
«Сәлем, достар! Жасы 35-тен аспаған қалталы «спонсор» іздеп жүрмін. Тек қазақ болсын және бойы 180 сантиметрден төмен болмасын. Мен интеллигентті отбасынанмын, 22 жастамын. Бойым 168, салмағым 52. Түрім модель болуға лайық», депті ол өзінің әлеуметтік желідегі парақшасында.
«Алматының «элиталық районындағы» жеке пәтерде тұрғым келеді. Маған айына 1 миллион теңге де жетеді. Сосын әдемі нөмірлі жаңа Айфон 7 плюс керек. Әзірге көлік жүргізе алмаймын, сондықтан таксимен жүрмекпін», – деп жазады қыз.
«Мені қатты сынамаңыздар. Мен жап-жас және әп-әдемі қызбын. Өмірден бәрін алғым келеді. Қарапайым жігіттердің мені қажетті деңгейде «асырай» алмайтынын түсінемін. Мен байлық көздеген адам емеспін, мен тек ештеңеден тарықпай жақсы өмір сүргім келеді. Бұл қылмыс емес шығар, бұл менің өзімнің жеке таңдауым», – деп ақталыпты.