Астанада Қазақстан Республикасының Президенті жанындағы Жаппай қырып-жоятын қаруды таратпау мәселелері жөніндегі комиссиясының кезекті отырысы өтті, деп хабарлады ҚР Сыртқы істер министрлігінің ресми сайты.
Қазақстан Республикасының Президенті жанындағы Жаппай қырып-жоятын қаруды таратпау мәселелері жөніндегі комиссиясының кезекті 15-отырысы ҚР Сыртқы істер министрі Қайрат Әбдірахмановтың төрағалығымен өткізілді.
ҚР мемлекеттік органдарының ядролық қарусыздану мен таратпау саласындағы біздің халықаралық міндеттерімізді сақтау және Мемлекет басшысының бұл саладағы жаһандық бастамаларын іске асыру бойынша жұмысын үйлестіру.
Комиссия отырысының назарында елдің ядролық және биологиялық қауіпсіздігінің нығайту, сондай-ақ экспорттық бақылау жүйесімен халықаралық қоғамдастықпен өзара іс-қимылдыкүшейту мәселелері болды.
Қазақстан Республикасының Біріккен Ұлттар Ұйымы Қауіпсіздік кеңесінде үстіміздегі жылдың қаңтарындағы төрағалығы мен Дүниежүзілік ұйымның негізгі органдарының біріндегі қазіргі қызметінің қорытындылары шығарылды.
Қазақстанның Сыртқы істер министрі Қайрат Әбдірахманов отырыстың қатысушыларына әлемде кеңінен талқыланған, ҚР Президенті Нұрсұлтан Әбішұлы Назарбаевтың 2018 жылғы 18 қаңтарда «Жаппай қырып-жоятын қаруды таратпау: сенім шаралары» тақырыбындағы БҰҰ Қауіпсіздік кеңесіндегі отырысында сөйлеген тарихи сөзі туралы еске салды.
Сонымен қатар, комиссия отырысына қатысқан министрліктер мен ведомстволардың басшылары өткен кезеңде берілген тапсырмалардың орындалу барысы туралы баяндады.