Басы дауға қалған Тұңғышбай Жаманқұловқа қатысты белгілі әнші Жанар Айжанова әлеуметтік желіде жазба жазды.
Ел болып құрметтеген асылымызды мұндай күйге түсіру масқара жағдай.
“Байдың жорғасы көрінбесе де, кедейдің дорбасы көрініп қояды” демекші, енді Тұңғышбай ағамыздың қалтасын санап жатырмыз ба? Ұят-ай!
«Қан мен Терде» Тәңіржан деп басымызға көтердік. Сол бала кезімізден көш басында келе жатқан, ел болып құрметтеген асылымызды бүгін мынадай дедік пе? “Өз бетін аямаған кісі бетін шиедей қылады” деген. Масқара. Үйде отырып, кешеден бері Сізден ұялып отырмын, Тұңғышбай аға.
Әділ шешім болып, сүттен ақ, судан таза болып шығуыңызға тілектеспін. Шыдамды болыңыз. Халқыңыз Сізді қолдайды. Сізге деген қарындастық жылы көзқарасым ешқашан өзгермейді. Алдымызда жүрген үлгі тұтар тұлғасыз!”-деп жазады әнші.