Нұр-Сұлтан
Қазір
-2
Ертең
3
USD
426
+0.12
EUR
500
+1.46
RUB
5.82
+0.02

Жамбыл облысында дауылдан келген шығын көлемі 470 млн теңгені құрады

Бұл туралы Үкімет басшысының ресми сайтында хабарланды.

«Жамбыл облысы аумағында 3-қарашада соққан дауылды желдiң салдарынан электр желiлерi үзіліп, бiрқатар нысандардың жұмысы тоқтады. Әлеуметтiк нысандар мен тұрғын үйлердiң шатырлары жұлынып түстi. Табиғи апат салдарынан Тараз қаласы мен 5 аудандағы нысандар бүлiндi. Барлығы 1754 нысанға зардап келдi. Оның iшiнде 454 нысанның шатыры 70 пайызға дейiн бүлiндi. 53 мыңнан астам абонент электр энергиясынан ажыратылды. 5 елдi-мекенде газ беру тоқтатылды. Шұғыл түрде бiз төтенше жағдайдың зардабын жоюға кiрiстiк», – деп баяндады Жамбыл облысының әкiмi Кәрiм Көкiрекбаев.

Өңір басшысының айтуынша, күшейтiлген жұмыстың нәтижесiнде дауыл соққан күнi газбен жабдықтау толығымен қалпына келтiрiлген. 4-қарашада жылу беру, 6-қарашада электр энергиясы жүйесi iске қосылыпты.

«Қазiргi уақытта Тараз қаласында жеке тұрғын үй секторына электр энергиясын жеткiзу бойынша жұмыс жалғасып жатыр. 36 азамат медициналық көмекке жүгiндi, оның iшiнде 4 адам ауруханаға жатқызылды. Төтенше жағдай режимi Тараз қаласы мен үш ауданда енгiзiлдi. Комиссия дауыл салдарынан келген зардапты есептеп жатыр. Алдын ала есептелген зардап 470 млн теңгенi құрап отыр», – дедi ол.

«Оңтүстiк» өңiрлiк қолбасшылығының әскери нысандарын ведомство өзi қалпына келтiредi. Сондай-ақ, бiлiм министрлiгi екi жоғары оқу орнының ғимаратын жөндеп жатыр. Шығын – 129 млн теңге. Осыған қоса 1300-ден астам нысан бизнес-құрылымдардың тартылуымен қалпына келтiрiлуде.

«Бүгiнде нысандардың 75 пайызы қалпына келтiрiлдi. Барлық коммуналдық нысандар жергiлiктi бюджет есебiнен жөнделедi», – дедi облыс әкiмi.

Оңтүстiк Қазақстан облысының әкiмi баяндағандай, дауылдың салдарынан бүлiнген 7 нысанның үшеуiнiң шатыры толық жабылған. Қалған төрт нысанның шатырын жөндеу ертең аяқталады.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз