Жамбыл облысында қарындасын зорлаған жігіт 15 жылға сотталды
Жамбыл облысында қарындасын зорлады деген ер азаматқа қатысты іс қаралып, үкім шығарылды.
Бұл туралы облыстық қылмыстық істер жөніндегі мамандандырылған ауданаралық сотының баспасөз қызметі хабарлады.
Қылмыстық іс құжаттарына сәйкес, биыл 11 қаңтарда үйіне кештетіп келген А. деген азамат сағат 23:00 шамасында Тараз қаласында, өз төсегінде ұйықтап жатқан қарындасының үстіне кіріп келеді. Үйде ешкімнің жоқтығына көз жеткізген А. қарындасы Б-ны еркінен тыс зорлаған.
Соттың үкімімен А. ҚР Қылмыстық кодексінің 120-бабының 4-бөлігімен кінәлі деп танылып, оған балаларды тәрбиелеумен, не болмаса балалармен байланысты қызметпен айналысу құқығынан өмір бойы айыра отырып, 15 (он бес) жылға бас бостандығынан айыру жазасы кесілді. Оған бұл мерзімді түзеу колониясының ерекше режимінде өтеу тағайындалды.
Үкім заңды күшіне енген жоқ.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз